Honoris causa degree to Mario Vargas Llosa

Romana Studiorum Universitas “Ad Turrim Virgatam”

 

Nos Alexander Finazzi Agrò, Universitatis Rector, accepta unanima litterarum professorum postulatione ut academica dignitate h. c. decoretur

 

Marius Vargas Llosa

 

plurimorum scriptionis generum auctor hoc aevo excellens existimandus quippe qui homines violentos corruptosque nec non dogmaticis rationibus obcaecatos assidue persecutus tragicis casibus mediae et australis Americae praecipue inspectis orationem veri imitatricem alte renovauerit miramque scribendi artem ethicae contentioni et animi investigationi coniunctam optimum exemplar novis scriptoribus imitandum praebuerit,

his de causis Marium Vargas Llosa sane omnibus laudibus dignum ob litteras humanitatis propugnatrices defensas litterarum doctorem honoris causa declaramus et renuntiamus eique omnia huius gradus privilegia honores iura conferimus in cuius rei fidem hoc diploma universitatis sigillo munitum ei tradimus.

Datum Romae die XXII mens. octobris A.D. MMI.