Romana Studiorum Universitas “Ad Turrim Virgatam”

Nos Alexander Finazzi Agrò, Universitatis Rector, accepta unanima postulatione professorum facultatis humanarum litterarum ac philosophiae ut academica dignitate honoris causa decoretur clarissimus vir

Sergius Zavoli

quippe qui diurnarii scriptoris artem ministeriumque una cum morali meditatione civilique cura necnon eventuum et diurnorum actorum communicationem cum officis muneribusque publicis et humana sollicitudine summa ingenii sollertia ac miro quodam verborum cultu coniugaverit praesertim cum omnia fere quae nostra aetate gesta essent propria singularique natura dilucide enarraverit,

his cunctis de causis eundem clarissimum virum doctorem magistralem diurnariorum scriptorum artis honoris causa declaramus ac renuntiamus eique omnia huius gradus privilegia honores iura conferimus, in cuius rei fidem hoc diploma universitatis sigillo munitum ei tradimus.

Datum Romae die XXVI mens. mart. MMVII.